రవాణాశాఖ ఆకస్మిక తనిఖీలు

46 కేసులు.. రూ.6 లక్షల జరిమానా వసూలు

అరవిందనగర్‌(అనంతపురం), న్యూస్‌టుడే: ప్రైవేట్‌ ట్రావెల్స్‌ బస్సు యజమానులు నిబంధనలకు వ్యతిరేకంగా ప్రైవేట్‌ కంపెనీలకు చెందిన సామగ్రిని రవాణా చేస్తున్నట్లు  మంగళవారం జరిపిన తనిఖీలో గుర్తించామని రవాణాశాఖ ఉప కమిషనర్‌ శివరామ ప్రసాద్‌ తెలిపారు. 46 కేసులు నమోదు చేసి, రూ.6 లక్షలు అపరాధ రుసుం విధించామన్నారు. పర్మిట్‌ తీసుకోకుండా ప్రయాణికులతో వెళ్తున్న ఒక బస్సును సీజ్‌ చేశామన్నారు. నిబంధనల మేరకు బస్సుల్లో ప్రయాణికుల లగేజీని మాత్రమే తీసుకెళ్లాలనే నిబంధన ఉందని ఆయన వివరించారు.