సీఐపై విచారణకు ఆదేశాలు

హిందూపురం పట్టణం, న్యూస్‌టుడే: హిందూపురం మండల పోలీసుస్టేషన్‌ సీఐ జి.టి.నాయుడుపై విచారణ జరిపి అతనిపై తీసుకొన్న చర్యలపై నివేదిక ఇవ్వాలని జాతీయ బాలల హక్కుల సంఘం జిల్లా కలెక్టర్‌ను ఆదేశించింది. ఈ మేరకు నోటీసును కలెక్టర్‌తో పాటు ఫిర్యాదు చేసిన గ్రామీణ మండలం రామచంద్రాపురానికి చెందిన బాలురికి పంపారు. గతంలో గ్రామానికి చెందిన బాలురను స్టేషన్‌కు పిలిపించి సీఐ మందలించిన విషయం వివాదస్పదంగా మారింది. దీనిపై ఆధారాలతో సహా బాలుర తల్లిదండ్రులు జాతీయ బాలల హక్కుల పరిరక్షణ సంఘానికి ఫిర్యాదు చేశారు. ఆ వివరాలను కలెక్టర్‌కు పంపి, 20 రోజుల్లో విచారణ పూర్తి చేయడంతో పాటు తీసుకొన్న చర్యల నివేదికను తమకు పంపాలని ఆదేశించింది.