జగనన్న కాలనీలో ఊట

న్యామద్దల (చెన్నేకొత్తపల్లి), న్యూస్‌టుడే: మండలంలోని న్యామద్దల గ్రామంలోని జగనన్న కాలనీ వర్షాలకు జౌకె (ఊట)క్కింది. ఇక్కడ 350 మంది లబ్ధిదారులకు స్థలాలు కేటాయించగా ఇప్పటి వరకు ఒకే ఇంటి నిర్మాణం పూర్తయ్యింది. కొందరు లబ్ధిదారులు పునాదులు తవ్వుకున్నారు. వర్షం కురవడంతో నీరు నిలిచింది. ఊటెక్కిన ప్రాంతంలో పునాదులు పూడిపోయాయి. ఊట నీటిని గమనించిన పలువురు లబ్ధిదారులు ఇంటి నిర్మాణాలకు దూరంగా ఉన్నట్లు తెలుస్తోంది. వనంలో స్థలాలు కేటాయించడంతోనే ఇలాంటి దుస్థితి నెలకొందని ఆవేదన వ్యక్తం చేస్తున్నారు. మరోచోట స్థలాలు కేటాయించేందుకు అధికారులు, పాలకులు చర్యలు తీసుకోవాలని కోరుతున్నారు.