5న గవర్నర్‌ బిశ్వభూషణ్‌ పుట్టపర్తి రాక

పుట్టపర్తి, న్యూస్‌టుడే: రాష్ట్ర గవర్నర్‌ బిశ్వభూషణ్‌ హరిచందన్‌ బుధవారం పుట్టపర్తికి రానున్నారు. సత్యసాయి ఆడిటోరియంలో ప్రపంచ అంతరిక్ష వారోత్సవాలకు ముఖ్య అతిథిగా హాజరుకానున్నారు. బుధవారం ఉదయం 11.10 గంటలకు గన్నవరం విమానాశ్రయం నుంచి ప్రత్యేక విమానంలో పుట్టపర్తి సత్యసాయి విమానాశ్రయం చేరుకుంటారు. అక్కడి నుంచి ప్రశాంతి నిలయంలోని శాంతిభవన్‌ అతిథి గృహానికి చేరుకుంటారు. 11.30 గంటలకు సాయికుల్వంత్‌ మందిరంలోని మహాసమాధిని ప్రత్యేకంగా దర్శించుకుంటారు. 11.45 గంటలకు సత్యసాయి ఇండోర్‌ స్టేడియంలో సతీష్‌ధావన్‌ స్పేస్‌ సెంటర్‌, శ్రీహరికోట సహకారంతో సత్యసాయి విశ్వవిద్యాలయం ఆధ్వర్యంలో నిర్వహిస్తున్న ప్రపంచ అంతరిక్ష వారోత్సవాల్లో పాల్గొంటారు. 1.30 గంటలకు కార్యక్రమం ముగించుకొని, శాంతిభవన్‌ అతిథి గృహానికి చేరుకుంటారు. 2.30కు సత్యసాయి విమానాశ్రయం నుంచి గన్నవరం బయలుదేరి వెళతారు. గవర్నర్‌ పర్యటనను పురస్కరించుకొని, ట్రస్టువర్గాలు, పోలీసు, రెవెన్యూ అధికారులు ఏర్పాట్లు చేపట్టారు.