అధ్వాన రహదారికి తెదేపా నాయకుల మరమ్మతు

దర్గాహొన్నూరు (బొమ్మనహాళ్‌), న్యూస్‌టుడే: అధ్వానంగా మారిన రహదారిని తెదేపా నాయకులు బాగు చేశారు. మండలంలోని దర్గాహొన్నూరులో వాటర్‌ట్యాంకు నుంచి సచివాలయం, ఉన్నత పాఠశాల వరకు వన్నళ్లిరోడ్డు దెబ్బతింది. వర్షపు నీరు, మురుగు నిలిచి స్థానికులు ఇబ్బందులు ఎదుర్కొన్నారు. మాజీ సర్పంచి కేశప్ప ఆధ్వర్యంలో 5 ట్రాక్టర్ల కంకర, ఇసుక తోలి చదును చేయించారు. రాకపోకలను అనువుగా చేశారు. నాయకులు కుమ్మరి వన్నూరప్ప, ఆనంద్‌, రఫీ, వీఎల్‌ రామాంజనేయులు, నాగరాజు, చెట్ల వన్నప్ప, ముక్కన్న తదితరులు పాల్గొన్నారు. దీర్ఘకాలిక సమస్య పరిష్కారమైందని గ్రామస్థులు అభినందించారు.