అప్పులబాధతోనే ఆత్మహత్య

మంజునాథ్‌ (పాతచిత్రం)

గుడిబండ, న్యూస్‌టుడే: మండలంలోని మద్దనకుంటకు చెందిన యువ రైతు మంజునాథ్‌ (35) అప్పుల బాధతోనే ఆత్మహత్య చేసుకున్నట్లు ఏఎస్సై చంద్రశేఖర్‌ తెలిపారు. తన తండ్రి నుంచి వచ్చిన రెండెకరాల్లో రైతు రెండేళ్లుగా వేరుసెనగ, మిర్చి తదితర పంటలు సాగు చేశాడు. గత ఏడాది పెట్టిన పెట్టుబడి సైతం దక్కలేదు. ఈసారి అధిక వర్షాలకు పంటలు దెబ్బతిన్నాయి. అప్పులు రూ.5 లక్షలు పైగా ఉండటంతో ఎలా తీర్చాలని మధనపడుతుండేవాడు. నలుగురు కుమార్తెలను ఎలా చదివించాలని ఆవేదన చెందుతుండేవాడు. ఈ బాధతో సోమవారం సాయంత్రం పురుగుల మందు తాగాడు. మడకశిర ఆసుపత్రిలో చికిత్స పొందుతూ అదే రోజు రాత్రి మృతి చెందాడు. భార్య ఫిర్యాదు మేరకు మంగళవారం కేసు నమోదు చేసుకుని దర్యాప్తు చేస్తున్నట్లు ఏఎస్సై తెలిపారు.