తాగునీటి కోసం భిక్షాటన

భిక్షాటన చేస్తున్న గ్రామస్థులు

తనకల్లు, న్యూస్‌టుడే: తనకల్లు పంచాయతీ దుగినేపల్లి గ్రామంలో 20 రోజులుగా నెలకొన్న తాగునీటి సమస్య కోసం గ్రామస్థులు బుధవారం రాత్రి భిక్షాటన చేశారు. దుగినేపల్లి, గనాథవారిపల్లి గ్రామాలకు ఒకే బోరు ఉండటంతో 90 ఇళ్లకు దీని ద్వారా నీరు సరఫరా అవుతోంది. 20 రోజుల కిందట తాగునీరు సరఫరా అయ్యే పైప్‌లైన్‌ పాడవడంతో దుగినేపల్లిలో నీరు రావడం లేదు. పలుమార్లు సర్పంచికి తెలిపినా ఫలితం లేని కారణంగా మరమ్మతుల డబ్బుల కోసం భిక్షాటన చేశారు. కార్యక్రమంలో శ్రీధర్‌రెడ్డి, జియావుల్లా తదితరులు పాల్గొన్నారు.