పాలిటెక్నిక్‌ విద్యార్థి ఆత్మహత్య

కదిరి పట్టణం, న్యూస్‌టుడే : కదిరి పట్టణం యర్రగుంటపల్లి సమీపంలోని జగనన్న కాలనీలో శుక్రవారం ఉదయం పాలిటెక్నిక్‌ రెండో సంవత్సరం విద్యార్థి ఆంజనేయులు (17) ఇంట్లో ఉరి వేసుకుని ఆత్మహత్యకు పాల్పడ్డాడు. కుటుంబ సభ్యులు తెలిపిన వివరాలు. కదిరి ప్రభుత్వ పాలిటెక్నిక్‌ కళాశాలలో రెండో సంవత్సరం చదువుతోన్న ఆంజనేయులు ఉదయం ఇంట్లో ఎవ్వరూ లేని సమయంలో ఉరి వేసుకుని వేలాడుతుండటాన్ని గమనించిన కుటుంబ సభ్యులు వెంటనే ఉరి తప్పించారు. అప్పటికే మృతి చెందాడు. మృతుడి తండ్రి రామకృష్ణ ఫిర్యాదు మేరకు కేసు నమోదు చేసినట్లు కదిరి అర్బన్‌ సీఐ మధు తెలిపారు.ఆత్మహత్యకు కారణం దర్యాప్తులో తేలనుంది.