చీఫ్‌ హెడ్‌వార్డర్‌కు మరణానంతరం రాష్ట్రపతి అవార్డు

పోలీసు అధికారుల నుంచి రాష్ట్రపతి అవార్డు అందుకుంటున్న అరుణ్‌కుమార్‌ కుటుంబసభ్యులు

బుక్కరాయసముద్రం, న్యూస్‌టుడే: మండల పరిధిలోని ఖైౖదీల వ్యవసాయ క్షేత్రంలో చీఫ్‌ హెడ్‌వార్డర్‌గా పనిచేస్తూ మరణించిన అరుణ్‌కుమార్‌కు రాష్ట్రపతి అవార్డు వచ్చినట్లు కారాగార పర్యవేక్షకుడు చిన్నారావు చెప్పారు. 2021వ సంవత్సరంలో అరుణ్‌కుమార్‌కు అత్యుత్తమ పనితీరు కనపరచడంతో జైలు తరపున రాష్ట్రపతి అవార్డు కోసం ప్రతిపాదన పంపినట్లు తెలిపారు. దురదృష్టవశాత్తూ ఆయన 2022 సంవత్సరంలో మరణించారన్నారు. గురువారం 74వ గణతంత్ర దినోత్సవం సందర్భంగా మంగళగిరి డీజీ కార్యాలయంలో అరుణ్‌కుమార్‌ భార్య సరస్వతి, కుటుంబ సభ్యులకు రాష్ట్ర పోలీసు ఉన్నతాధికారులు రాష్ట్రపతి అవార్డు అందించారని చెప్పారు.