యువకుడి దుర్మరణం

శంకర్‌ (పాతచిత్రం)

రామగిరి, కంబదూరు, న్యూస్‌టుడే: మండలంలోని పేరూరు సమీపంలో గుర్తుతెలియని వాహనం ఢీకొని శంకర్‌(25) అనే యువకుడు దుర్మరణం చెందాడు. రామగిరి పోలీసుల వివరాల మేరకు.. కంబదూరు మండలం రాళ్లఅనంతపురం గ్రామానికి చెందిన శంకర్‌ బుధవారం రాత్రి తన మేనత్త ఊరు తగరకుంటకు వెళ్తున్నానని ఇంట్లో చెప్పి ద్విచక్ర వాహనంపై బయల్దేరాడు. పేరూరు చెక్‌పోస్టు సమీపంలో మలుపు వద్ద రహదారి పక్కనున్న గోతిలో గురువారం మృతదేహం వెలుగు చూసింది. గుర్తుతెలియని వాహనం ఢీకొనడంతోనే తమ కుమారుడు మృతిచెందినట్లు తండ్రి ఓబుళపతి ఫిర్యాదు మేరకు కేసు నమోదు చేసినట్లు పోలీసులు తెలిపారు. శంకర్‌ బెంగళూరులోని ఓ ప్రైవేటు సంస్థలో పని చేసేవాడని కుటుంబ సభ్యులు పేర్కొన్నారు.