గ్యాస్‌ సిలిండర్‌పై అదనంగా వసూలు చేస్తే చర్యలు

జిల్లా వ్యవసాయం: గ్యాస్‌ రవాణా ఛార్జీలు డెలివరీ బాయ్స్‌ అధికంగా వసూలు చేస్తే కఠిన చర్యలు తీసుకుంటామని జిల్లా పౌరసరఫరాలశాఖ అధికారి శోభారాణి హెచ్చరించారు. ప్రభుత్వం నిబంధనల ప్రకారం గ్యాస్‌ సిలెండర్లు నిల్వ చేసే గోదాము నుంచి 5 కిలో మీటర్ల వరకు ఎలాంటి ఛార్జీలు వసూలు చేయరాదన్నారు. 5-15 కి.మీ. మధ్య ఉంటే రూ.20, రూ.15 కి.మీ. దాటితే రూ.30 వరకు రవాణా ఛార్జీలు చెల్లించాలన్నారు. రవాణా ఛార్జీల పేరుతో అధికంగా వసూలు చేస్తే చర్యలు తప్పవని డీఎస్‌వో హెచ్చరించారు. ఎవరైనా డెలివరీ బాయ్స్‌ డిమాండు చేస్తే ట్రోల్‌ ఫ్రీ నంబరు 1906-1967 ఫిర్యాదు చేయాలని వినియోగదారులకు ఆమె విజ్ఞప్తి చేశారు.