స్టేషన్‌లో సర్కారు వాహనాలు

ఇంటింటికి చౌక బియ్యాన్ని సరఫరా చేయాల్సిన బియ్యం వాహనాలు కొన్ని నెలలుగా కూడేరు పోలీస్‌స్టేషన్‌ ప్రాంగణంలో ఉన్నాయి. కూడేరు మండలానికి 8 బియ్యం వాహనాలు మంజూరయ్యాయి. వాటిలో మూడు వాహనాలకు సంబంధించిన ఎండీయూలు తమకు గిట్టుబాటు కావడం లేదని రాజీనామా చేశారు. దీంతో అధికారులు మూడు వాహనాల్లో రెండింటిని రక్షణ నిమిత్తం పోలీస్‌స్టేషన్‌ ప్రాంగణంలో, ఒక వాహనాన్ని ఇప్పేరులో నిలిపారు. ఈ కారణంగా కార్డుదారుల ఇళ్లకు బియ్యం అందడం కష్టంగా మారింది. ఈ విషయమై సీఎస్‌డీటీ లక్ష్మీదేవి వివరణ కోరగా మూడు వాహనాలను అందుబాటులోకి తేవడానికి ఆసక్తి ఉన్న వ్యక్తుల కోసం ప్రయత్నిస్తున్నామని చెప్పారు. వీలైనంత త్వరగా వాటిని వినియోగంలోకి తెస్తామన్నారు.

న్యూస్‌టుడే, కూడేరు(ఉరవకొండ)