నేత్రానందం.. సిడిమానోత్సవం

సిడిమానోత్సవాన్ని తిలకిస్తున్న భక్తులు

రాయదుర్గం, న్యూస్‌టుడే: రాయదుర్గం పట్టణ సమీపంలోని సిద్ధుల కొండపై రససిద్ధేశ్వరస్వామి సిడి మానోత్సవాన్ని భక్తులు ఘనంగా నిర్వహించారు. వందలాది మంది భక్తుల నడుమ ఉపవాస దీక్షతో ఉన్న యువకుడిని సిడిమానుకు కట్టి మూడు మార్లు తిప్పుతారు. ఆతర్వాత కట్టె బొమ్మను కూడా మూడుమార్లు తిప్పుతారు. దీంతో సిడి మానోత్సవం పూర్తవుతుంది. ఆదివారం కావటంతో రాయదుర్గం పట్టణంతోపాటు పైతోట, వివిధ గ్రామాలకు చెందిన వేలాదిమంది భక్తులు సిద్ధులకొండకు వెళ్లి ఈ కార్యక్రమాన్ని తిలకించారు. స్వామికి ప్రత్యేక పూజలు నిర్వహించారు. మున్సిపల్‌ అకౌంట్స్‌ ఆఫీసర్‌ ఈశ్వర్‌, పూజారి సిద్ధప్ప, భక్తుల విరాళాలతో అన్నదానం చేశారు.