సందడిగా దసరా ముందస్తు విడుదల వేడుకలు

మాట్లాడుతున్న హీరో నాని, పక్కన కథానాయకి కీర్తి సురేశ్‌ తదితరులు

రుద్రంపేట, న్యూస్‌టుడే: నాని కథనాయకుడిగా శ్రీలక్ష్మీ వెంకటేశ్వర సినిమా బ్యానర్‌పై సుధాకర్‌ చెరుకూరి నిర్మిస్తున్న ‘దసరా’ సినిమా ముందస్తు విడుదల వేడుకలు ఆదివారం నగరంలో సందడిగా జరిగాయి. కథానాయిక కీర్తి సురేశ్‌, సముద్రఖని ప్రధాన పత్రాలో నటించిన ఈ సినిమాను ఈనెల 30న విడుదల చేయనున్నారు. ఈ నేపథ్యంలో ముందస్తు వేడుకలను స్థానిక రుద్రంపేట పీవీకేకే ఇంజినీరింగ్‌ కళాశాలలో నిర్వహించారు. నటీనటులు నాని, కీర్తి సురేశ్‌, తదితరులు పాల్గొన్నారు. విద్యార్థులు, అభిమానులు భారీఎత్తున తరలివచ్చారు. ఈ సందర్భంగా హీరో నాని మాట్లాడుతూ మనసుకు దగ్గరగా చిత్రీకరించిన సినిమా దసరా. సంవత్సరం కాలంగా కష్టపడి పనిచేసిన వారందరికీ అభినందనలు తెలిపారు. పీవీకేకే యాజమాన్యం, పోలీసులకు కృతజ్ఞతలు తెలిపారు. అనంత అభిమానులు నానీని గజమాలతో సత్కరించారు.