భాజపా కన్వీనర్ల నియామకం

అరవిందనగర్‌ (అనంతపురం), న్యూస్‌టుడే: జిల్లాలో భాజపా బలోపేతానికి కృషి చేయాలని నూతనంగా అసెంబ్లీ నియోజకవర్గ కన్వీనర్లను ఆ పార్టీ అధికార ప్రతినిధి వెంకటేశ్వరరెడ్డి కోరారు. అనంతపురం జిల్లాలో ఆయా నియోజకవర్గాలవారీగా నియమితులైన కన్వీనర్ల వివరాలు బుధవారం ఆయన వెల్లడించారు. రాయదుర్గం - హీరోజీరావు, ఉరవకొండ - నిరంజన్‌, గుంతకల్లు - విశ్వనాథ్‌, తాడిపత్రి - రంగనాథరెడ్డి, శింగనమల - రవిరాజ, అనంతపురం - అశోక్‌కుమార్‌, కళ్యాణదుర్గం- దేవరాజులను నియమిస్తూ రాష్ట్ర అధ్యక్షుడు సోము వీర్రాజు నియామక ఉత్తర్వులు జారీ చేశారని చెప్పారు. నూతనంగా నియమితులైన వారికి శుభాకాంక్షలు తెలిపారు. వైకాపా ప్రజా వ్యతిరేక పాలనను ప్రజలకు వివరించాలని సూచించారు.