ఎట్టకేలకు తాగునీటి సరఫరా

కుళాయి నీటిని పట్టుకుంటున్న స్థానికులు, పర్యవేక్షిస్తున్న ఆర్‌డబ్ల్యూఎస్‌ ఏఈఈ ధనుంజయ

విడపనకల్లు, న్యూస్‌టుడే: విడపనకల్లు మండలం మాళాపురం గ్రామానికి ఆర్‌డబ్ల్యూఎస్‌ అధికారులు తాగునీటి సరఫరాను పునరుద్ధరించారు. ఆ గ్రామంలో నెలకొన్న తాగునీటి ఇబ్బందులు, స్థానికులు నాలుగు కిలోమీటర్ల దూరంలోని విడపనకల్లు ఎస్‌ఎస్‌ ట్యాంకు నుంచి నీటిని తెచ్చుకుంటున్న వైనంపై శనివారం ‘ఈనాడు’లో ‘గొంతు తడవాలంటే.. నాలుగు కిలోమీటర్లు వెళ్లాల్సిందే!’ శీర్షికన ప్రచురితమైన కథనానికి ఆర్‌డబ్ల్యూఎస్‌ అధికారులు స్పందించారు. ఏఈఈ ధనుంజయ ఉదయాన్నే దగ్గరుండి, గ్రామానికి నీటి సరఫరాను చేయించారు. దీంతో గ్రామస్థులు హర్షం వ్యక్తం చేశారు.