ఆసుపత్రి ఆవరణలో అవస్థలు

సర్వజనాసుత్రిలో రోగుల బంధువులకు ఆరుబయట పడిగాపులు తప్పటం లేదు. ఆసుపత్రిలో వివిధ వార్డుల్లో చికిత్స పొందుతున్న రోగుల కోసం వచ్చే బంధువులకు అక్కడ అనుమతి లేకపోవటంతో ఆరుబయట చెట్ల కింద ఉంటున్నారు. ఎండల తీవ్రత ఎక్కువగా ఉండటంతో వీరికి ఆరుబయట ఇబ్బంది తప్పటం లేదు. తమతో పాటు వచ్చిన చిన్నారులను నిద్రపుచ్చేందుకు చెట్లకు ఊయలలు కట్టుకుంటున్నారు. ఇక తమతోపాటు తెచ్చుకున్న ఇతర సామగ్రితో చెట్ల కిందే కాలక్షేపం చేస్తున్నారు. రోగి సహాయకులు, బంధువుల కోసం అవసరమైన షెడ్లను ఏర్పాటు చేయాలని కోరుతున్నారు.
- చిత్రాలు: ఈనాడు, అనంతపురం