తితిదే కార్మికులకు అండగా నిలవాలి

ఏపీసీసీ అధ్యక్షుడు శైలజానాథ్‌

తిరుపతి(గాంధీరోడ్డు): తితిదేలో 15 ఏళ్లుగా తక్కువ వేతనంతో పనిచేస్తున్న కార్మికులకు ప్రభుత్వం అండగా ఉండాలని.. వారి న్యాయమైన డిమాండ్లు పరిష్కరించాలని ఏపీసీసీ అధ్యక్షుడు సాకే శైలజానాథ్‌ డిమాండ్‌ చేశారు. తితిదే పరిపాలన భవనం ఎదుట నిరసన దీక్ష చేస్తున్న ఎఫ్‌ఎంఎస్‌ కార్మికులకు ఆయన శనివారం సంఘీభావం ప్రకటించారు. తితిదే ఉన్నతాధికారులు భేషజాలకు పోకుండా ముఖ్యమంత్రి ఆదేశాల ప్రకారం కార్మికుల సమస్య పరిష్కరించాలన్నారు. లేనిపక్షంలో ఉద్యమాన్ని ఉద్ధృతం చేస్తామని హెచ్చరించారు.

బాధితులకు పరామర్శ: తిరుపతిలోని వరద ప్రభావిత ప్రాంతాల్లో శైలజానాథ్‌ పర్యటించారు. లక్ష్మీపురం కూడలిలో వరదల్లో కొట్టుకుపోయి మరణించిన సుబ్బరావు కుటుంబాన్ని పరామర్శించారు. అనంతరం శ్రీకృష్ణానగర్‌లో పర్యటించి బాధితులతో మాట్లాడారు. నాయకులు మాగాంటి గోపాల్‌ రెడ్డి, నవీన్‌కుమార్‌ రెడ్డి, వెంకట నరసింహులు, నారాయణ, మురళీకృష్ణ, లీలా శ్రీనివాస్‌, సుప్రజ పాల్గొన్నారు.