పరికరాలు గోవిందా..!

G గోదాముల్లో తుప్పు పట్టినవే సగం

G రూ.కోట్ల నిధులు ప్రశ్నార్థకం

G దుస్థితిలో జల ఫిరంగులు

పరికరాల వివరాలు సేకరిస్తున్న అధికారులు

రూ.కోట్లు వెచ్చించి కొనుగోలు..

జిల్లాలో 2015లో తీవ్ర వర్షాభావ పరిస్థితులు నెలకొన్నాయి. వర్షాధార పంట వేరుసెనగ ఎండుముఖం పట్టింది. బిందు, తుంపర్ల పద్ధతిలో నీరు అందించాలని అప్పటి ప్రభుత్వం నిర్ణయించింది. కరవు నివారణ పథకం కింద రూ.కోట్లు వెచ్చించి.. 999 జలఫిరంగులు(రెయిన్‌గన్లు), 999 స్ప్రిక్లర్లు, 24,500 నీటి సరఫరా పైపులు, అయిల్‌ ఇంజిన్లు 247 కొనుగోలు చేసి అందజేశారు. అప్పట్లో వాటిని విరివిగా వినియోగించారు. తద్వారా ఎన్నో పంటలకు ఊపిరిలూది నట్లయింది. ఆపై వాటిని మూలనపడేశారు. కొన్నిచోట్ల పలుకుబడి ఉన్న నాయకులు వాటిని దర్జాగా తమ నివాసాల్లో దాచేశారు.

మూటగట్టి పడవేయడంతో..

కరవు నివారణ పథకం కింద కొనుగోలు చేసిన పరికరాలకు 2017లో జియో ట్యాగింగ్‌ చేశారు. 60శాతం పరికరాలు రైతుల వద్దే ఉన్నాయి. మిగిలినవి రైతుల నుంచి సేకరించి గోదాముల్లో ఉంచారు. ఇష్టానుసారంగా మూటగట్టి పడవేయడంతో అధిక శాతం తుప్పుపట్టి పనికిరాకుండాపోయాయి. ఉన్నతాధికారులు మేల్కోవడంతో ఎట్టకేలకు పరికరాల లెక్క తేలింది. ‘గోదాముల్లో నిల్వ చేసిన పరికరాలను ఉన్నతాధికారుల ఆదేశాల మేరకు రైతు ఉత్పత్తిదారుల సంఘాలు, రైతులకు అందజేస్తాం. మరమ్మతుకు గురైనవాటిని బాగుచేయించడానికి చర్యలు తీసుకుంటాం’ అని జేడీఏ దొరసాని తెలిపారు.

గోదాముల్లో మూలపడేసిన పరికరాల వివరాలిలా..

పరికరం నిల్వచేసినవి బాగున్నవి మరమ్మతులు దెబ్బతిన్నవి

రెయిన్‌గన్లు333 205 48 80

స్ప్రింకర్లు213 85 40 88

పైపులు15,745 10,048 858 4839

అయిల్‌ఇంజన్లు251 70 139 42