76 బస్సుల యజమానులపై కేసులు : డీటీసీ బసిరెడ్డి

చిత్తూరు(నేరవార్తలు): జిల్లాలో సంక్రాంతి పండగ సమయంలో నిర్వహించిన ప్రత్యేక డ్రైవ్‌లో 76 ప్రైవేటు బస్సులపై కేసులు నమోదు చేసి పన్నులు, జరిమానాలు, కాంపౌండ్‌ ఫీజుల కింద రూ.6.73 లక్షలు వసూలు చేశామని డీటీసీ బసిరెడ్డి తెలిపారు. చిత్తూరులోని రవాణాశాఖ ఉప కమిషనర్‌ కార్యాలయంలో గురువారం ఆయన మాట్లాడారు. సంక్రాంతి పండుగ ముందు రోజే ఎంవీఐలు, ఏఎంవీఐలను అప్రమత్తం చేశామన్నారు. చిత్తూరు, తిరుపతి నుంచి తమిళనాడు, కర్ణాటక, తెలంగాణ రాష్ట్రాలు సహా పొరుగు జిల్లాలకు వెళ్లే అన్ని ప్రైవేటు బస్సులు తనిఖీ చేశామన్నారు. మొత్తం 76 బస్సులు నిబంధనలు అతిక్రమించాయని, దీంతో వాటికి పెనాల్టీ రూపంలో రూ.5.10లక్షలు, కాంపౌండ్‌ ఫీజు రూపంలో రూ.1.63 లక్షలు వసూలు చేశామన్నారు.