చంద్రబాబు ఆరోగ్యంగా ఉండాలని మృత్యుంజయ హోమం

హోమం నిర్వహిస్తున్న రవినాయుడు తదితరులు

తిరుపతి (నగరం), న్యూస్‌టుడే: తెదేపా జాతీయ అధ్యక్షుడు చంద్రబాబు నాయుడు సంపూర్ణ ఆరోగ్యంగా ఉండాలని ఆకాంక్షిస్తూ గురువారం తిరుపతిలో తెలుగు యువత నాయకులు మృత్యుంజయ హోమం నిర్వహించారు. తిరుపతి పార్లమెంట్‌ నియోజకవర్గ తెలుగు యువత అధ్యక్షుడు రవినాయుడు ఆధ్వర్యంలో స్థానిక మంచినీళ్లగుంట వద్ద శివాలయంలో హోమం చేశారు. చంద్రబాబు, యువనేత నారా లోకేశ్‌ కరోనా నుంచి త్వరగా కోలుకోవాలంటూ ప్రత్యేక పూజలు చేశారు. కార్యక్రమంలో తెలుగు యువత నాయకులు ఆర్పీ శ్రీనివాసులు, మధుబాబు, కృష్ణయాదవ్‌, కుమార్‌, శ్రీరామ్‌, జయబాబు, వంశీ, సుభాష్‌, జ్ఞానశేఖర్‌, వెంకటేష్‌, భూపతి, వెంకట్‌రెడ్డి, మురళీనాయుడు, అశోక్‌ పాల్గొన్నారు.