గృహ లబ్ధిదారులకు రూ.350 కోట్ల చెల్లింపు

మాట్లాడుతున్న భాస్కర నాయుడు, ఏఈ సుబ్బారెడ్డి

పీలేరు: జిల్లాలో మొదటి విడత జగనన్న కాలనీల్లో మంజూరైన ఇళ్లకు ఇప్పటివరకు ప్రభుత్వం రూ.350.91 కోట్లు లబ్ధిదారుల ఖాతాలకు జమ చేసినట్లు రాష్ట్ర గృహనిర్మాణ శాఖ డైరెక్టర్‌ కారపాకుల భాస్కరనాయుడు తెలిపారు. గురువారం ఇక్కడ ఆయన విలేకరులతో మాట్లాడుతూ ‘జిల్లాకు 1,74,240 ఇళ్లు మంజూరు కాగా 1,172 పూర్తయ్యాయి. 39,647 ఇళ్లకు ఇంకా పునాదులు వేయలేదు. 59,446 ఇళ్లకు పునాదులు తీయగా.. 31,017 పునాదులు పూర్తి చేశారు. 6,676 ఇళ్లకు గోడలు, 8,774 ఇళ్లకు పైకప్పులు వేశార’ని వివరించారు. ఇంకా పేదలు ఇళ్లు పొందేందుకు అర్హులుంటే వాలంటీర్ల ద్వారా దరఖాస్తులు ఇస్తే అధికారులు ఎంపిక చేస్తారన్నారు. పీలేరు గృహనిర్మాణశాఖ ఏఈ సుబ్బారెడ్డి పాల్గొన్నారు.