ఉద్యోగ వ్యతిరేక విధానాల్ని విడనాడాలి

నినాదాలు చేస్తున్న సురేష్‌బాబు తదితరులు

తిరుపతి(వీవీమహల్‌): రాష్ట్ర ప్రభుత్వం ఉద్యోగ వ్యతిరేక విధానాలను విడనాడాలని ఏపీ ఐకాస జిల్లా ఛైర్మన్‌ సురేష్‌బాబు డిమాండ్‌ చేశారు. ప్రభుత్వం ప్రకటించిన పీఆర్‌సీకి వ్యతిరేకంగా శుక్రవారం తిరుపతి ఇరిగేషన్‌ కార్యాలయం వద్ద ఉద్యోగులు నల్లబ్యాడ్జీలు ధరించిన నిరసన తెలిపారు. ఈ సందర్భంగా ఆయన మాట్లాడుతూ.. ఉద్యోగులతో చర్చించకుండా విడుదల చేసిన పీఆర్‌సీని వెంటనే రద్దు చేయాలని కోరారు. ఫిట్‌మెంట్‌ను తగ్గించడం, హెచ్‌ఆర్‌సీ 8 శాతానికి నిర్ణయించడం వల్ల ఉద్యోగులు నష్టపోతారని పేర్కొన్నారు. కార్యక్రమంలో జేఏసీ నాయకులు గిరిబాబు, బాలాజీ, శ్రీనివాసులు, రఘు తదితరులు పాల్గొన్నారు.