నిధుల దుర్వినియోగంపై విచారణ

అధికారులతో మాట్లాడుతున్న జడ్పీ సీఈవో ప్రభాకర్‌రెడ్డి

బి.కొత్తకోట, న్యూస్‌టుడే: బి.కొత్తకోట నగర పంచాయతీలో నిధుల దుర్వినియోగంపై జడ్పీ సీఈవో ప్రభాకర్‌రెడ్డి శుక్రవారం విచారణ జరిపారు. ఇప్పటికే రెండు మూడు విచారణలు జరిగిన నేపథ్యంలో ఆయన రికార్డులను పరిశీలించారు. గతంలో పంచాయతీ ఖాతాలో ఉన్న రూ.1.92 కోట్ల నిధులు ఖర్చు చేసినట్లు గణాంకాలు చెబుతుండగా.. అందులో రూ.52 లక్షల నిధులు డ్రా వివరాలు అధికారులు చూపలేకపోయారు. ఈ వ్యవహారంలో ఎనిమిది మంది పంచాయతీ సిబ్బంది ప్రమేయం ఉందని గుర్తించారు. దీనిపై జడ్పీ సీఈవో ‘న్యూస్‌టుడే’తో మాట్లాడుతూ నిధుల వ్యయంపై ఆడిటింగ్‌శాఖ పలు అభ్యంతరాలను వ్యక్తం చేసిందన్నారు. బాధ్యులపై కఠిన చర్యలు తీసుకుంటామన్నారు. నగర పంచాయతీ కమిషనరు బి.వెంకట్రామయ్య, ఎంపీడీవో శంకరయ్య, ఈఓపీఆర్‌డీ అశ్విని, మండల పరిషత్తు ఏవో థామస్‌రాజ్‌, ఈవో పవన్‌కుమార్‌, సిబ్బంది పాల్గొన్నారు.