ఇళ్ల లబ్ధిదారులకు రూ.5లక్షలు మంజూరు చేయాలి

మదనపల్లె రూరల్ : జగనన్న ఇంటి పట్టాలు పంపిణీ చేసిన లబ్ధిదారులకు ఇళ్ల నిర్మాణం కోసం రూ.5లక్షలు మంజూరు చేయాలని మాజీ ఎమ్మెల్యే షాజహాన్‌ బాషా డిమాండ్‌ చేశారు. కాంగ్రెస్‌ పార్టీ ఆధ్వర్యంలో సబ్‌ కలెక్టర్‌ కార్యాలయం ఎదుట సోమవారం జగనన్న ఇంటి పట్టాల లబ్ధిదారులతో ధర్నా నిర్వహించారు. రాష్ట్ర ప్రభుత్వం ఈ పథకం కింద కల్పిస్తున్న ఒకటిన్నర సెంటు భూమి ఏ మాత్రం సరిపోదని రెండున్నర సెంట్లు మంజూరు చేయాలని డిమాండ్‌ చేశారు. అదేవిధంగా జగనన్న లేఅవుట్లలో మౌలిక సదుపాయాలు కల్పించాలన్నారు. అనంతరం సబ్‌ కలెక్టర్‌ కార్యాలయంలోని డీఏవో శేషయ్యకు అర్జీ సమర్పించారు. ఈ కార్యక్రమంలో కాంగ్రెస్‌ పార్టీ నాయకులు, లబ్ధిదారులు పాల్గొన్నారు.