మార్చి నెల వేతనాలు మేలో..

పెనుమూరు, న్యూస్‌టుడే: సాంకేతిక కారణాలతో నిలిచిన ఉపాధ్యాయుల మార్చి నెల వేతనాలు ఎట్టకేలకు మే నెలలో విడుదలయ్యాయి. పెనుమూరు ఉన్నత పాఠశాలకు చెందిన 28 మంది ఉపాధ్యాయులు మార్చి నెల చివరలో వేతనాల కోసం ఆన్‌లైన్‌లో బిల్లులు పెట్టుకున్నారు. సాంకేతిక సమస్యతో వేతనాలు ఉపాధ్యాయుల ఖాతాల్లో జమ కాలేదు. దీనిపై ‘ఈనాడు’లో ‘మార్చి నెల వేతనాలు అందక ఉపాధ్యాయుల ఇబ్బందులు’ శీర్షికన కథనం ప్రచురితమైంది. దీనిపై స్పందించిన ఆయా విభాగాల అధికారులు రంగంలోకి దిగి సాంకేతిక సమస్యను పరిష్కరించారు. దీంతో సుమారు రూ.25 లక్షల వేతనాలు ఉపాధ్యాయుల ఖాతాల్లోకి చేరాయి.