వైభవంగా అగ్నిగుండ ప్రవేశం

కుప్పం పట్టణం, న్యూస్‌టుడే: కుప్పం గ్రామదేవత శ్రీప్రసన్న తిరుపతి గంగమాంబ జాతరలో భాగంగా సోమవారం రాత్రి శ్రీప్రసన్న ముత్తుమారెమ్మ అమ్మవారు అగ్నిగుండ ప్రవేశం చేశారు. ముందుగా పెద్దబావి వద్ద అమ్మవారి కండ్ల తెర తొలగించి ప్రత్యేక పూజలు చేశారు. 51 పుష్పపల్లకీలను అర్ధరాత్రి వరకు ఊరేగించారు. మూడు రాష్ట్రాల నుంచి వేల సంఖ్యలో భక్తులు తరలివచ్చారు. అగ్నిగుండ ప్రవేశ ప్రాంగణంలో భక్తులు అమ్మవారి వెంట రావడంతో పోలీసులు, భక్తుల మధ్య తోపులాట చోటుచేసుకుంది. అమ్మవారి నగలు, సారెను ఉత్సవ కమిటీ ఛైర్మన్‌ మంజునాథ్, రెస్కో ఛైర్మన్‌ సెంథిల్‌కుమార్, మున్సిపల్‌ ఛైర్మన్‌ డా.సుధీర్, పాలకవర్గ సభ్యులు పట్టణంలో ఊరేగించారు.