‘నాలుడు- నేడు’ పనుల్లో విద్యార్థు

నాడు- నేడు తరగతి గదుల సిమెంటు పనులు చేస్తున్న విద్యార్థులు

కుప్పం, న్యూస్‌టుడే: శాంతిపురం మండలంలోని సి.బండపల్లె జడ్పీ ఉన్నత పాఠశాల నాడు-నేడు పనుల్లో విద్యార్థులు పాల్గొన్న ఫొటోలు శనివారం సామాజిక మాధ్యమాల్లో వైరలయ్యాయి. ఉన్నత పాఠశాలలో నాడు-నేడు ద్వారా తరగతి గదుల వసతికి రూ.1.08 కోట్లను ప్రభుత్వం మంజూరు చేసింది. మట్టి పనులు పూర్తి చేసి సిమెంటుతో పునాదుల నిర్మాణం చేపడుతున్నారు. నిర్మాణ పనుల్లో విద్యార్థులు పాల్గొన్న ఫొటోలను కొందరు స్థానిక ప్రజాప్రతినిధులు సంబంధిత అధికారుల దృష్టికి తీసుకెళ్లారు. ఈ విషయంగా ఇన్‌ఛార్జి ప్రధానోపాధ్యాయుడు జానకిరామన్‌ను వివరణ కోరగా.. పాఠశాలకు సంబంధించిన పారలు, గునపాలను కూలీలు పునాదులకు వినియోగించగా వాటిని తీసుకొచ్చి పాఠశాలలో భద్రపరచేందుకు నిర్మాణ పనుల వద్దకు విద్యార్థులు వెళ్లగా.. స్థానికంగా ఓ వ్యక్తి ఫొటోలు తీశారని తెలిపారు. విద్యార్థులతో ఎలాంటి పనులు చేయించలేదని స్పష్టం చేశారు. ఇదే విషయాన్ని ఎంఈఓతోపాటు ఇతర అధికారులకు తెలియజేశానని తెలిపారు.