సమస్యలు పరిష్కరించాలని వినతి

డీఎఫ్‌వోకు వినతిపత్రం ఇస్తున్న ఎస్సీ, ఎస్టీ ఉద్యోగ సంఘ నాయకులు

చిత్తూరు(జిల్లా పంచాయతీ), న్యూస్‌టుడే: అటవీశాఖ పరిధిలో పొరుగు సేవలు, ఒప్పంద ప్రాతిపదికన పనిచేస్తున్న సిబ్బంది సమస్యలు పరిష్కరించాలని ఎస్సీ, ఎస్టీ, ఉద్యోగ సంఘ నాయకులు జిల్లా అటవీశాఖాధికారి చైతన్యకుమార్‌రెడ్డిని కోరారు. మంగళవారం వారు ఆయన్ను మర్యాదపూర్వకంగా కలిసి సత్కరించారు. అనంతరం సమస్యల పరిష్కారం కోరుతూ వినతిపత్రం ఇచ్చారు. కాంట్రాక్ట్‌ వర్కర్లకు కనీస వేతనం అమలు చేయాలని, బేస్‌ క్యాంపు స్ట్రైక్‌ ఫోర్స్‌ సభ్యులకు ప్రతి నెలా వేతనాలు అందజేయాలన్నారు. బదిలీల నేపథ్యంలో స్పోర్ట్స్‌ కేటగిరి ఉన్న వారికి అడ్మినిస్ట్రేటివ్‌ గ్రౌండ్స్‌ కింద లేదా డిప్యూటేషన్‌పై వారివారి జిల్లాలకు పంపాలని కోరారు. ఎస్సీ, ఎస్టీ బ్యాక్‌లాగ్‌ పోస్టులు త్వరగా భర్తీ చేయాలన్నారు. ఈ విషయాలను ఉన్నతాధికారుల దృష్టికి తీసుకెళతామని డీఎఫ్‌వో హామీ ఇచ్చారని వారు తెలిపారు. ఆయన్ను కలిసిన వారిలో ఎస్సీ, ఎస్టీ ఉద్యోగ సంఘ జిల్లా నాయకులు వినాయకం, సుశీలమ్మ, అరుళ్మణి, గుణశేఖర్‌, బాబు, మునిరత్నం, వెంకటేష్‌, తులసీరామ్‌, సరస్వతి, నాగరాజు, బాలాజీ ఉన్నారు.