బంగారుపాళ్యంలో వ్యక్తి మృతి

బంగారుపాళ్యం: బంగారుపాళ్యంలో రెండ్రోజుల కిందట మరణించిన వ్యక్తిని మంగళవారం గుర్తించామని పోలీసులు తెలిపారు. వారి కథనం మేరకు బంగారుపాళ్యంలో ఉంటున్న ఈశ్వరాచ్ఛారి (65) రెండ్రోజులుగా కనిపించలేదని అతడి స్నేహితుడు శివాచ్ఛారి మంగళవారం ఇంటి వద్దకు వచ్చి.. కిటీకిలో నుంచి చూశాడు. ఇంటి లోపలి నుంచి దుర్వాసన వస్తుండటంతో స్థానికుల ద్వారా పోలీసులకు సమాచారం ఇచ్చాడు. ఇంట్లో మంచంపై ఈశ్వరాచ్ఛారి రెండ్రోజుల కిందట మృతి చెందినట్లు పోలీసులు గుర్తించారు. బెంగళూరులో ఉన్న మృతుడి కుటుంబ సభ్యులకు సమాచారం ఇచ్చారు. మృతదేహానికి స్థానిక ఆస్పత్రిలో శవపరీక్ష నిర్వహించి కేసు నమోదు చేశామని పోలీసులు తెలిపారు.