పెళ్లికి వెళ్తుండగా కాటేసిన మృత్యువు

పూతలపట్టు: బావమరిది పెళ్లికి వెళ్తుండగా ఓ వ్యక్తి ప్రమాదవశాత్తూ దుర్మరణం పాలైన ఘటన పూతలపట్టు-నాయుడుపేట హైవేపై చోటుచేసుకుంది. దీంతో ఆ కుటుంబంలో తీవ్ర విషాదఛాయలు అలముకున్నాయి. బంగారుపాళ్యం మండంలోని ఈచినేరుపల్లెకు చెందిన మొగిలప్ప(64) తన కుటుంబం, గ్రామస్థులతో కలిసి శుక్రవారం రాత్రి విజయవాడలోని బావమరిది వివాహానికి బస్సులో బయల్దేరాడు. మధ్యలో హైవేలో పేట అగ్రహారం వద్ద మూత్ర విసర్జనకు ఆయన కిందకు దిగాడు. రోడ్డు దాటుతుండగా కారు ఢీకొనడంతో అక్కడికక్కడే మరణించాడు. పెళ్లికి బయల్దేరితే మృత్యువు కాటేసి తమ కుటుంబాల్లో విషాదం నింపిందంటూ కుటుంబీకులు విలపించారు. ఎస్సై హరిప్రసాద్‌ కేసు నమోదు చేశారు.