సరస్వతీ నమస్తుభ్యం...

సామూహిక అక్షరాభ్యాస కార్యక్రమంలో పిల్లలతో అక్షరాలు దిద్దిస్తున్న తల్లిదండ్రులు

కాణిపాకం, న్యూస్‌టుడే: వసంత పంచమి సందర్భంగా కాణిపాకం స్వయంభు శ్రీ వరసిద్ధి వినాయకస్వామి వారి ఆలయంలో గురువారం శాస్త్రోక్తంగా సామూహిక అక్షరాభ్యాసం కార్యక్రమాన్ని నిర్వహించారు. ఈ క్రమంలో సరస్వతీ అమ్మవారి విగ్రహాన్ని సర్వాలంకృతులు చేసి ప్రత్యేక పూజలు నిర్వహించారు. 541 మంది పిల్లలతో వారి తల్లిదండ్రులు అక్షరాలు దిద్దించారు. కార్యక్రమంలో ఆలయ పాలకమండలి ఛైర్మన్‌ ఎ.మోహన్‌రెడ్డి, ఈవో ఎ.వెంకటేశు, ఏఈవో విద్యాసాగర్‌రెడ్డి పాల్గొన్నారు. శ్రీ వరసిద్ధి వినాయకస్వామి వారి దర్శనానికి భక్తులు పోటెత్తారు. ఆలయంలోని క్యూలైన్లు నిండిపోయాయి. దర్శనానికి సుమారు 4 గంటల సమయం పట్టింది.