‘వైకాపా నేతలు కులాల మధ్య చిచ్చుపెడుతున్నారు’

మాట్లాడుతున్న తెదేపా వన్నెకుల క్షత్రియ సంఘ నాయకులు

కుప్పం పట్టణం, న్యూస్‌టుడే: అధికార వైకాపా నాయకులు కులాల మధ్య చిచ్చుపెట్టేందుకు ప్రయత్నిస్తున్నారని తెదేపా వన్నెకుల క్షత్రియ సంఘ నాయకులు మునిరాజు, వెంకటేష్‌ ఆరోపించారు. స్థానిక తెదేపా కార్యాలయంలో మంగళవారం విలేకర్ల సమావేశాన్ని నిర్వహించి మాట్లాడారు. ‘కుప్పంలో పార్టీలు వేరైనా మేమంతా ఒకటిగా ఉంటూ వచ్చాం. ఇప్పుడు మండలానికో పార్టీకి కుల నాయకుడిని ఎన్నుకుంటున్నారు. దీంతో కులాలను రెచ్చగొట్టి, గ్రామాల్లో ప్రశాంతతను దూరం చేస్తున్నారు. కుప్పం మండలానికి చెందిన ఓ మహిళకు పేరుకు వన్నెకుల క్షత్రియ కార్పొరేషన్‌ ఛైర్‌పర్సన్‌ పదవి ఇచ్చి, కనీసం కుర్చీ కూడా లేకుండా చేశారు. ఎన్నికల కోసమే వైకాపా వన్నెకుల క్షత్రియులను వాడుకుంటోంద’ని అన్నారు. నాయకులు రవి, మురళీ, చంద్రశేఖర్‌ తదితరులు ఉన్నారు.