పట్టాలు తప్పిన గూడ్స్‌ రైలు

రేణిగుంట, న్యూస్‌టుడే: తిరుపతి జిల్లా రేణిగుంట రైల్వేస్టేషన్‌లో సరకు రవాణా రైలు పట్టాలు తప్పింది. శనివారం ఉదయం చెన్నై నుంచి రాజస్థాన్‌కు కార్లతో రైలు బయలుదేరింది. సాయంత్రం స్టేషన్‌ సమీపంలోని 8వ నంబర్‌ రోడ్డులోని దక్షిణ క్యాబిన్‌ వద్దకు రైలు చేరుకుంది. ఈ సమయంలో రెండు బోగీలు పట్టాలు తప్పాయి. వెంటనే గమనించిన లోకో పైలెట్లు రైలును నిలిపేశారు. సమాచారం అందుకున్న అధికారులు సంఘటన స్థలానికి చేరుకుని మరమ్మతులు చేపట్టారు. పక్కకు వచ్చిన బోగీలను హ్రైడోలిక్‌ జాక్స్‌ ద్వారా సీఅండ్‌డబ్ల్యూ, ఎలక్ట్రికల్‌ సిబ్బంది రాత్రి సుమారు 7.50 గంటలకు పట్టాలపైకి చేర్చారు. ఈ ఘటనతో ఐదో నెంబర్‌ ప్లాట్‌ఫాంపై రావాల్సిన రైళ్లను ఇతర ప్లాట్‌ఫాంల మీదుగా మళ్లించారు.