నలుగురు తెదేపా కార్యకర్తలకు బెయిల్‌

చిత్తూరు (న్యాయవిభాగం),  బంగారుపాళ్యం, న్యూస్‌టుడే: నలుగురు తెదేపా కార్యకర్తలకు సోమవారం స్థానిక ప్రిన్సిపల్‌ జ్యుడిషియల్‌ మెజిస్ట్రేట్‌ ఆఫ్‌ ఫస్ట్‌ క్లాస్‌ కోర్టు న్యాయమూర్తి పి.శాంతి బెయిల్‌ మంజూరు చేస్తూ ఆదేశాలిచ్చారు. తెదేపా జాతీయ ప్రధాన కార్యదర్శి లోకేశ్‌ యువగళం పాదయాత్ర ఈ నెల 3న పూతలపట్టు నియోజకవర్గం బంగారుపాళ్యంలో నిర్వహించారు. పాదయాత్ర సభను జాతీయ రహదారిపై నిర్వహించారంటూ బంగారుపాళ్యం పోలీసులు 11 మంది తెదేపా నాయకులపై హత్యాయత్నం కేసు నమోదు చేశారు. వీరిలో నలుగురు నాయకులు కేశవ, అశోక్‌, షబ్బీర్‌, చరణ్‌ను రిమాండ్‌కు తరలించారు. వీరు తమకు బెయిల్‌ మంజూరు చేయాలని కోర్టును అభ్యర్థించగా.. పూర్వపరాలను పరిశీలించి వారికి కోర్టు బెయిల్‌ మంజూరు చేసింది.