బాలికపై అత్యాచారయత్నానికి పాల్పడ్డ వాలంటీరు అరెస్టు

నాగలాపురం, న్యూస్‌టుడే: బాలికపై అత్యాచారయత్నానికి పాల్పడ్డ నందనం గ్రామ వాలంటీరు మధురెడ్డి(29)ని అరెస్టు చేసినట్లు సీఐ శివకుమార్‌రెడ్డి తెలిపారు. పోలీస్‌స్టేషన్‌ ఆవరణలో సోమవారం నిర్వహించిన విలేకరుల సమావేశంలో ఆయన మాట్లాడారు. నాగలాపురం మండలంలోని నందనం గ్రామానికి చెందిన తొమ్మిదవ తరగతి చదువుతున్న బాలిక(14)ను అమ్మఒడి పథకానికి సంబంధించి ఆధార్‌కార్డు నకలును తీసుకురావాల్సిందిగా నిందితుడు ఆదివారం మధ్యాహ్నం అడిగాడన్నారు. నకలును తీసుకురావడానికి బాలిక పూజగదిలోకి వెళ్లిన సమయంలో నిందితుడు అత్యాచారయత్నానికి పాల్పడ్డాడన్నారు. అనంతరం బాలిక ప్రతిఘటించి కేకలు వేయడంతో పరారయ్యాడన్నారు. బాలిక తల్లి ఫిర్యాదుతో నిందితుడిని ఆదివారం రాత్రి 9 గంటలకు అరెస్టు  చేశామన్నారు. నిందితుడిని రిమాండ్‌ నిమిత్తం తరలించినట్లు తెలిపారు. సమావేశంలో ఎస్సై హనుమంతప్ప పాల్గొన్నారు.