శ్రీవారిని దర్శించుకున్న సినీ హీరోలు

ఆలయం ఎదుట విశ్వక్‌సేన్‌ తదితరులు

తిరుమల, న్యూస్‌టుడే: శ్రీవారిని సోమవారం ఉదయం వీఐపీ బ్రేక్‌ సమయంలో సినీ హీరోలు మంచు విష్ణు, విశ్వక్‌సేన్‌ దర్శించుకున్నారు. ఆలయం వెలుపల హీరో విశ్వక్‌సేన్‌ మాట్లాడుతూ.. తాను నటించిన ప్రతి చిత్రం విడుదలకు ముందు కాలినడకన తిరుమలకు చేరుకుని శ్రీవారిని దర్శించుకోవడం ఆనవాయితీగా వస్తోందని తెలిపారు. ఉగాది రోజున నూతనచిత్రం విడుదలవుతోందని చెప్పారు. స్వామివారి ఆశీస్సులతో నూతన చిత్రం విజయవంతం అవుతుందని ఆశాభావం వ్యక్తం చేశారు. శ్రీవారిని ఎమ్మెల్యేలు  కేతిరెడ్డి పెద్దారెడ్డి, కొడాలి నాని దర్శించుకున్నారు.