కష్టపడితే మంచి రోజులు

చంద్రబాబుతో కురుగొండ్ల

వెంకటగిరి గ్రామీణం, న్యూస్‌టుడే : కష్టపడి ప్రజల్లో తిరిగితేనే మంచిరోజులు వస్తాయని తెదేపా అధినేత చంద్రబాబు నాయుడు మాజీ ఎమ్మెల్యే కురుగొండ్ల రామకృష్ణకు సూచించారు. పట్టభద్రుల ఎమ్మెల్సీల ఎన్నికల విజయం నేపథ్యంలో సోమవారం మంగళగిరిలోని పార్టీ కార్యాలయంలో ఏర్పాటు చేసిన అభినందన సమావేశంలో నియోజకవర్లా ఇన్‌ఛార్జులు పాల్గొన్నారు. తెదేపా కార్యక్రమాలను ప్రజల్లోకి విస్తృతంగా తీసుకెళ్లాలని అధినేత సూచించినట్లు రామకృష్ణ తెలిపారు. వెంట తెదేపా రాష్ట్ర కార్యదర్శి గంగోటి నాగేశ్వరరావు పాల్గొన్నారు. గూడూరు పట్టణం : మంగళగిరిలో జరిగిన సమావేశంలో గూడూరు మాజీ ఎమ్మెల్యే పాశిం సునీల్‌కుమార్‌ పాల్గొన్నారు. నాయకులని, కార్యకర్తలను సమన్వయం చేసుకుంటూ తెదేపాను తిరిగి అధికారంలోకి తీసుకురావడానికి కృషిచేయాలని చంద్రబాబు దిశానిర్దేశం చేసినట్లు ఆయన తెలిపారు.