రూ.19.50 కోట్ల పనులపై తనిఖీలు

మొలగనూరు వద్ద వంతెన పరిశీలిస్తున్న ఉన్నతాధికారులు

వాకాడు, కోట: చిల్లకూరు మండలం పల్లమాల నుంచి కోట పట్టణం మీదుగా వాకాడు మండలం వాలమేడు గ్రామం వరకు రూ.19.50 కోట్ల అంచనాలతో చేపట్టిన రహదారి విస్తరణ పనుల నాణ్యతపై నాణ్యత నియంత్రణ విభాగం చీఫ్‌ ఇంజినీర్‌ పి.సి.రమేష్‌కుమార్‌ బృందం సోమవారం తనిఖీలు చేశారు. పలుచోట్ల పనుల తీరుపై ఇంజినీర్లకు సూచనలు చేశారు. ఎస్‌ఈ శివకుమార్‌, ఈఈ గీతారాణి, ఈఈ రామాంజనేయులు, డీఈ అరుణ, ఏఈలు శివయ్య, రాజేష్‌, చరణ్‌, రవూఫ్‌, అనూషా, సిబ్బంది పాల్గొన్నారు.