అక్కరకు రాని ఆర్టీసీ ప్రాంగణం

చిట్టమూరులో గ్రామీణ ప్రయాణికుల సౌకర్యార్థం నిర్మించిన ఆర్టీసీ ప్రాంగణం నిరుపయోగంగా ఉంది. దీంతో ప్రయాణికులు బస్సుల కోసం వేచిఉండేందుకు ఇబ్బందులు పడుతున్నారు. చిట్టమూరు మీదుగా కోట, వాకాడు, నాయుడుపేట, సూళ్లూరుపేటకు ప్రయాణికులు వెళ్తుంటారు. చిట్టమూరులో 25 సంవత్సరాల కిందట రూ.25 లక్షలతో మినీ ప్రాంగణం నిర్మించారు. వాకాడు డిపోకు ఆదాయం వచ్చేలా దుకాణాల సముదాయం సైతం అందులోనే నిర్మించారు. తరువాత ఆలనాపాలనా పట్టించుకోక అందులో ఎవరు ఉండటం లేదు. అధికారులు ఆధునికీకరించి వినియోగంలోకి తీసుకురావాల్సిన అవసరముంది.

న్యూస్‌టుడే, కోట