‘భాజపా మోసాన్ని ఎండగడతాం’

పాదయాత్ర చేస్తున్న సురేష్‌

డక్కిలి, న్యూస్‌టుడే : అధికారంలోకి వచ్చిన వంద రోజుల్లోనే ఎస్సీ వర్గీకరణకు చట్టబద్ధత కల్పిస్తామని హామీ ఇచ్చి తొమ్మిది సంవత్సరాలుగా జాప్యం చేయడం తగదని ఎమ్మార్పీఎస్‌ నేతలు మండిపడ్డారు. నాలుగో రోజు సోమవారం డక్కిలి మండలంలో నేతలు పర్యటించారు. పాదయాత్రగా వస్తున్న మంగళపూరి సురేష్‌కు స్వాగతం పలికారు. తిరుపతి వెంకటేశ్వర స్వామి సాక్షిగా 1996లో జరిగిన భాజపా రాష్ట్ర కార్యవర్గ సమావేశంలో వర్గీకరణకు బలపరుస్తూ ఆ పార్టీ తీర్మానం చేసిందని, ఇప్పుడేమో మాదిగలను మోసం చేసే ప్రయత్నం చేస్తోందని ఆయన ఆవేదన వ్యక్తం చేశారు.