ఫిర్యాదులపై నిర్లక్ష్యం వద్దు: ఏఎస్పీ

బాధితులతో మాట్లాడుతున్న ఏఎస్పీ జగదీష్‌

చిత్తూరు(నేరవార్తలు), న్యూస్‌టుడే: జిల్లా పోలీసు కార్యాలయంలో సోమవారం జరిగిన స్పందన కార్యక్రమానికి 22 ఫిర్యాదులు అందాయి. ఏఎస్పీ జగదీష్‌ బాధితుల నుంచి ఫిర్యాదులు స్వీకరించి వారితో మాట్లాడారు. వీటిలో మోసాలు, వరకట్న వేధింపులు, వేధింపులు, కుటుంబ సమస్యలు, ఆస్తి తగాదాలు, భూ సమస్యలు, మోటారు వాహనాల దొంగతనాలపై ఫిర్యాదులు అందాయి. ఆపై పోలీసు అధికారులతో జూమ్‌ సమావేశం ద్వారా మాట్లాడారు. పోలీసు స్పందన ఫిర్యాదులపై నిర్లక్ష్యం ఉండరా దని చెప్పారు. వాటిని పరిష్కరించి వారం రోజుల్లో నివేదికను సమర్పించాలని ఆదేశించారు. ఏఎస్సై మాధవ తదితరులు పాల్గొన్నారు.