తహసీల్దారు పార్వతి బదిలీ

చిత్తూరు గ్రామీణ : చిత్తూరు గ్రామీణ తహసీల్దారు పార్వతిని కుప్పం మండలానికి బదిలీ చేస్తూ.. జిల్లా పాలనాధికారి హరినారాయణన్‌ మంగళవారం ఉత్తర్వులు జారీ చేశారు. చిత్తూరులో డీటీ కిరణ్‌కుమార్‌కు తహసీల్దార్‌గా అదనపు బాధ్యతులు అప్పగించారు. పార్వతి బదిలీ వెనుక అనేక ఆరోపణలున్నట్లు సమాచారం. గతేడాది ఏప్రిల్‌ 28న చిత్తూరు తహసీల్దారుగా బాధ్యతలు స్వీకరించిన తొలి నుంచి ఆమె స్థానికంగా ఓ ప్రజాప్రతినిధి కన్నుసన్నల్లోనే పని చేస్తున్నారనే విమర్శలున్నాయి. ఎమ్మెల్సీ ఎన్నికల్లో వైకాపా అనుకూలంగా పనిచేశారని విపక్షాలు ఎన్నికల కమిషన్‌కు ఫిర్యాదు చేశారు.