ఉచిత ప్రవేశాలకు నమోదు చేసుకోవాలి

తిరుపతి(విద్య): విద్యాహక్కు చట్టం ప్రకారం జిల్లాలోని ప్రైవేట్ అన్‌ఎయిడెడ్‌ పాఠశాలల్లో 2023-24 విద్యా సంవత్సరానికి సంబంధించి 1వ తరగతిలో ఉచిత ప్రవేశానికి నమోదు చేసుకోవాలని డీఈవో డాక్టర్‌ వి.శేఖర్‌ తెలిపారు. రాష్ట్రంలోని అన్ని ప్రైవేట్ పాఠశాలల్లో 25 శాతం ఉచిత ప్రవేశాలు అమలు చేయాలని పాఠశాల విద్యాశాఖ ఆదేశాలు ఇచ్చింది. గ్రామీణ ప్రాంతాల్లో నివసించే బలహీన వర్గాలకు చెందిన కుటుంబాల వార్షిక ఆదాయం రూ.1.20 లక్షలు, నగర ప్రాంతాల్లో నివసించే బలహీన వర్గాల కుటుంబాల వార్షిక ఆదాయం రూ.1.40 లక్షలు ప్రాతిపదికన తీసుకుని వారి పిల్లలను అర్హులుగా నిర్ణయిస్తారన్నారు. ఆసక్తి కలిగిన వారు పాఠశాల యాజమాన్యాలు విద్యాశాఖ వెబ్‌సైట్ http:/// cse.ap.gov.in  ద్వారా ఏప్రిల్‌ 7వ తేదీ లోపు నమోదు చేసుకోవాలన్నారు.