మాతృ మరణాల నివారణకు కృషి చేయండి

వైద్యాధికారులతో సమీక్షిస్తున్న డీఎంహెచ్‌ఓ డాక్టర్‌ శ్రీహరి

తిరుపతి(వైద్యవిభాగం), న్యూస్‌టుడే: మాతా శిశు మరణాల నివారణకు వైద్యులు, సిబ్బంది కృషి చేయాలని డీఎంహెచ్‌ఓ డాక్టర్‌ యు.శ్రీహరి పిలుపునిచ్చారు. మంగళవారం తిరుపతి జిల్లా కార్యాలయంలో ఈ ఏడాది ఫిబ్రవరి, మార్చి నెలలో జరిగిన మాతృ మరణాలపై సమీక్షా సమావేశం నిర్వహించారు. ఆయన మాట్లాడుతూ.. రెండు నెలల్లో నాలుగు మాతృ మరణాలకు కారణాల గురించి ఆరా తీశారు. భవిష్యత్తులో పూర్తి స్థాయిలో నివారించేందుకు అందరూ దృష్టి సారించాలని సూచించారు. గ్రామ స్థాయి వైద్య సిబ్బంది రోగుల పరిస్థితుల మేరకు జిల్లా ఆస్పత్రులకు రెఫరల్‌ చేయాలని తెలిపారు. సమావేశంలో డీసీహెచ్‌ఎస్‌ డాక్టర్‌ ప్రభావతి, నోడల్‌ ఆఫీసర్‌ శాంతకుమారి, వైద్యులు రాధ, అరుణ, ప్రసన్న ఠాగూర్‌, మాలతి, జయలక్ష్మి తదితరులు పాల్గొన్నారు.