ఆ భూములు తుడావే..!

వేదాంతపురం కేసులో న్యాయస్థానం తీర్పు

ఈనాడు-తిరుపతి: ముప్ఫై ఏళ్లు పోరాటం చేసిన తుడా అధికారులకు అనుకూలంగా కోర్టు తీర్పు వచ్చింది. వేదాంతపురంలో సేకరించిన భూములు తుడావే అంటూ కోర్టు తీర్పు వెలువరించింది. ఇప్పుడా భూమిని అభివృద్ధి చేయడంతో పాటు బహుళ అంతస్తుల భవనాన్ని నిర్మించి ప్రజలకు విక్రయించేందుకు యోచిస్తున్నారు. తిరుపతి గ్రామీణ మండలం వేదాంతపురం పరిధిలో సుమారు 25.22 ఎకరాల పట్టా భూమిని ‘సైట్స్‌ అండ్‌ సర్వీసెస్‌’ కింద భూసేకరణ చేసేందుకు 1992లో తుడా అధికారులు నోటిఫికేషన్‌ ఇచ్చారు. దీనికి అనుగుణంగా 1993లో 13.26 ఎకరాలకు మాత్రమే అవార్డు జారీ చేయగా.. మిగిలిన 11.96 ఎకరాలకు సంబంధించి కొందరు న్యాయస్థానాన్ని ఆశ్రయించి స్టే తెచ్చుకున్నారు.చివరకు తుడాకు అనుకూలంగా తీర్పు వచ్చింది.