పిడుగుపాటుకు ఒకరి మృతి

సత్యవేడు: అలివేలుమంగాపురం సమీపంలో పిడుగుపాటుకు ఒకరు దుర్మరణం చెందగా మరొకరి పరిస్థితి విషమంగా మారింది. స్థానికుల కథనం మేరకు.. అంబాక్కం గ్రామానికి చెందిన మేకల బాలకృష్ణయ్య(55), సీతారాంపేటకు చెందిన ఎం.రమేష్‌ ఏఎంపురం వద్ద ప్లాంటేషన్‌లో కాపలాదారులుగా పనిచేస్తున్నారు. గురువారం సాయంత్రం మెరుపులతో భారీ వర్షం కురిసి పిడుగు పడింది. సమీపంలోనే వీరిద్దరు ఉన్నారు. ఒక్కసారిగా వచ్చిన శబ్దానికి బాలకృష్ణయ్య స్పృహ కోల్పోయాడు. రమేష్‌ తీవ్రంగా గాయపడ్డాడు. వీరిని 108 వాహనంలో స్థానిక ప్రభుత్వాసుపత్రికి తరలించారు. అప్పటికే మేకల బాలకృష్ణయ్య మృతి చెందినట్లు వైద్యులు తెలిపారు. ప్రాథమిక చికిత్స అనంతరం మెరుగైన వైద్యం కోసం రమేష్‌ను తిరుపతికి తరలించారు.