పెనుగాలుల వర్షంతో బీభత్సం

ఎల్‌బీపురంలో నేల కూలిన కొబ్బరి చెట్టు

చిత్తూరు(వ్యవసాయం): అల్పపీడన ప్రభావంతో గురువారం మధ్యాహ్నం జిల్లాలోని పలు ప్రాంతాల్లో పెనుగాలులతో కూడిన వర్షం కురిసింది. ఈదురుగాలులకు మామిడి, వరి, ఉద్యాన పంటలకు తీవ్ర నష్టం వాటిల్లింది. చిత్తూరు గ్రామీణ, గుడిపాల, పాలసముద్రం, గంగాధర నెల్లూరు తదితర మండలాల్లో మధ్యాహ్నం 2.30 నుంచి సాయంత్రం నాలుగు గంటల వరకు వర్షం కురిసింది. చిత్తూరు గ్రామీణ, పాలసముద్రం తదితర మండలాల్లో స్తంభాలు నేల కూలి, లైన్లు తెగిపోవడంతో కొంత సేపు విద్యుత్తు సరఫరాకు అంతరాయం ఏర్పడింది. చిత్తూరు నగరం ఎల్‌బీపురంలో ఆరు కొబ్బరి చెట్లు నేలమట్టమయ్యాయి.