సంస్కృతాంధ్ర భాషలకు సముద్రాల ఎనలేని సేవలు

మహామనిషి మధుర స్మృతులు పుస్తకాన్ని ఆవిష్కరిస్తున్న ముఖ్య అతిథులు

తిరుపతి(తాతయ్యగుంట), న్యూస్‌టడే: సంస్కృతాంధ్ర భాషలకు డాక్టర్‌ సముద్రాల లక్ష్మణయ్య ఎనలేని సేవలు చేశారని తితిదే మాజీ ఈవో పి.కృష్ణయ్య, అమరరాజ సంస్థ వ్యవస్థాపకులు గల్లా రామచంద్ర నాయుడు, పంచ సహస్రావధాని డాక్టర్‌ మేడసాని మోహన్‌ పేర్కొన్నారు. సముద్రాల సంస్మరణ సభ గురువారం నగరంలోని ఎన్జీవో కాలనీ వద్ద ఉన్న అరబిందో సొసైటీలో జరిగింది. వారు మాట్లాడుతూ ఆరు శతాబ్దాలకు పైగా తితిదేకి సేవలు అందించిన సముద్రాల ఎన్నో గ్రంథాలను వెలువరించడంతో పాటు అనేక ప్రాచీన గ్రంథాలకు వ్యాఖ్యానం రాశారని కొనియాడారు. సముద్రాల ఆశయాలను నేటి తరం పరిశోధకులు, రచయితలు, విద్యార్థులు ముందుకు తీసుకెళ్లాలని పిలుపునిచ్చారు. ఇందులో భాగంగా మహామనిషి మధుర స్మృతులు పుస్తకాన్ని ఆవిష్కరించారు. సముద్రాల సతీమణి అంజనమ్మ, తనయుడు విజయానంద్‌, శతావధాని ఆముదాల మురళి, రచయితలు, విద్యార్థులు పాల్గొన్నారు.