మహిళల ఆర్థికాభివృద్ధే ముఖ్యమంత్రి ఆశయం

నగరిలో వైఎస్‌ఆర్‌ ఆసరా చెక్కును మహిళలకు అందిస్తున్న మంత్రి ఆర్‌.కె.రోజా

నగరి: మహిళలు ఆర్థికంగా ఎదగాలనే ఆశయంతో సంక్షేమ పథకాల వర్తింపులో వారికి ప్రాధాన్యతనిస్తున్నారని మంత్రి ఆర్‌.కె.రోజా పేరర్కొన్నారు. స్థానిక ప్రభుత్వ డిగ్రీ కళాశాల మైదానంలో ఆదివారం జరిగిన వైఎస్‌ఆర్‌ ఆసరా పథకం మూడో విడత పంపిణీ కార్యక్రమానికి ఆమె ముఖ్య అతిథిగా విచ్చేసి మాట్లాడారు. నగరి పురపాలక సంఘం, మండలంలో పొదుపు సంఘాలకు చెందిన 14,468 మంది మహిళలకు రూ.15,50,72,299 కేటాయించారన్నారు. సదరు మెగా చెక్కును ఆమె మహిళ సంఘాల ప్రతినిధులకు అందజేశారు. ఆర్డీవో సుజన, మెప్మా పీడీ రాధమ్మ, మున్సిపల్‌ ఛైర్మన్‌ నీలమేఘం, కమిషనర్‌ వెంకటరామిరెడ్డి, ఎంపీపీ భార్గవి, తహసీల్దార్‌ చంద్రశేఖరరెడ్డి, ఎంపీడీవో చంద్రమౌళి, కౌన్సిలర్లు, ప్రజాప్రతినిధులు, మహిళా సంఘాల ప్రతినిధులు పాల్గొన్నారు.